2022ko udaberrian Elodie Baffalio iparraldeko konpositore eta pianista gurekin jarri zen harremanetan berak hari orkestrarako konfinamendu garaian konposatutako “Iazko lorea” obra gure taldean irakurri edo interpretatzeko eskatuz. Lan honek bere aiton-amonen bizitza kontatzen du txikitatik zahartzarora arte muxiko baten doinuan oinarriturik eta ziklo hau deskribatzeak eman zigun gure egitarauari forma emateko kontestua: Bizitzaren bide bat margotuko genuen, iraganeko eta gaur egungo egileen eskutik. Eresbileko arduradunen adietasunari esker osatu genuen bide hau.