Kondaira eder hura (Plan B Records, 2021) lehenengo diskoarekin, urteko onenen podiumera iritsi eta MIN sarietako Euskarazko Disko Onenaren saria jaso zuen. Disko horretako Neskaren Kanta abesti ezaguna da egilearen arrakasta handienetako bat eta, bertan, tradizioa eta reggaeton musika uztartzen ditu.
Geroago, Verde Pratok bi EP argitaratu zituen: Adoretua (2023), estudioko disko goraipatua, eta Erromantizismoa (2024), Bronquio ekoizle jereztarrarekin batera egindako kolaborazio zoragarria; hiru
abestiko bilduma horrek Verde Pratoren lanari dimentsio berri bat ematen dio, ekoizpen elektronikoagoa gehituta, eta aldi berean, prozesuan lengoaiaren eta generoaren oztopoak gaindituta. 2024ko EP onena izendatu zuten Rockdelux eta Mondo Sonorok.
Bere lehen soinu banda konposatzen ari da, eta 2024an Tulsa, Zabala, J Martina eta beste hainbat artistarekin kolaborazioak egin zituen. Tu opinión de mierda abestiaren bere bertsioa Los Punsetes taldea omentzeko diskoan ageri da.
Disko berria, Bizitza eztia (Plan B Records, 2025), Donato Dozzyrekin batera grabatu eta ekoiztu du eta hainbat gai ditu hizpide: feminismoa, askatasuna, bakardadea eta natura. Argi-
ilunen arteko oreka bila, samurtasuna eta baretasuna ere baditu.