Irungo eguberrietako programazioak berritasun handi bat dakar: Gabonetako Etxea. Ikust Alaia eraldatu, eta eguberrietako agertokiz, pertsonaiaz eta munduz beteko da, familiak eguberrietan murgiltzeko. Horrela, eguberriak are gehiago sustatu nahi ditu Irunek, eta eguberriez gozatu nahi duten guztiei are eskaintza erakargarriagoa egin. Gabonetako Etxea Irungo A&B Shows enpresak jarriko du martxan, Udalarekin lankidetzan.026ko eguberrietako berritasun nagusia: Gabonetako EtxeaHaurrek pertsonaia batzuk izango dituzte lagun: Gabon (etxearen jabea), Mister Jolas, Galtzagorri, Izartxo eta Amets. Aretoz areto, jostailu fabrika, Olentzero eta Mari Domingiren mundua, Errege Magoen kanpamentua eta ametsetako mundua ezagutuko dituzte.Sarreran, haur bakoitzak pasaporte bat jasoko du, ibilbidean aurrera egin ahala zigilatzeko. Ikuskizuna euskaraz eta gaztelaniaz izango da.Ordutegia eta sarrerakGabonetako Etxea egun hauetan egongo da zabalik: abenduan, 5, 6 eta 7an; 12 eta 13an; 19 eta 20an; 22an; 24an; 26, 27, 28, 29, 30 eta 31n; eta, urtarrilean, 2 eta 3an.Orokorrean, Etxea 16:30etik 19:30era egongo da zabalik, abenduaren 24an eta 31n izan ezik: egun horietan, goizez zabalduko da, 11:30etik 13:30era.Sarrerak 3 euro balioko du, eta bost sarrerako bonua ere eskainiko da, 12 euroan. Batzuk zein besteak azaroaren 12an jarriko dira salgai, ostegunarekin, 10:00etan, Udalaren webgunean.Sarrerek egun jakin baterako balioko dute, eta ordu erdiko tarte batean sartzeko aukera emango dute: adibidez, erreserba 16:30erako egiten dutenak 16:30etik 17:00etara arte sartu ahalko dira. Hamar pertsonako taldeak osatuko dira Etxean sartzeko, eta gehienez ere 60 bisitari sartuko dira txanda bakoitzean. Sarrera dutenak dagokien ordua baino 10 minutu lehenago sartu ahalko dira Ikust Alaiako barrutian.Ikuskizunean parte hartu nahi dutenek sarrera eskuratu beharko dute, eta 12 urtetik beherakoek heldu batekin joan beharko dute. Sarrera Karrika Nagusiko atea izango da.